പുള്ളിയോട് ഒന്നു മിണ്ടണമെന്ന് ആഗ്രഹം കലശലായി തുടങ്ങിയിട്ട് കുറെ ദിവസങ്ങളായി. സമയമോ സന്ദർഭമോ…

എഴുത്ത്: അബ്രാമിൻ്റെ പെണ്ണ്

================

നീല ജീൻസും വെള്ള ടീ ഷർട്ടുമിട്ട ചില ചേട്ടന്മാരെ കാണാൻ എന്തൊരു ചന്തമാണെന്നറിയാവോ…അവരുടെ ചുറ്റും എന്തോ ഒരു ചൈതന്യം ഇങ്ങനെ നിറഞ്ഞു നിക്കും..

ജോലിക്ക് പോകുന്ന വഴിയിൽ സ്ഥിരമായി അങ്ങനെ ഒരു ചേട്ടനെ കാണാറുണ്ട്..ലുക്കെന്ന് പറഞ്ഞാൽ എന്തൊരു ലുക്ക്..ബുള്ളറ്റിൽ ചീറിപ്പാഞ്ഞു പോകുന്ന ഗന്ധർവ്വനെപ്പോലിരിക്കുന്ന ആ ചേട്ടനെയിങ്ങനെ നോക്കി നിക്കുമ്പോ “ന്റെ പൊന്ന് കൊച്ചുങ്ങളേ നമ്മള് പരിസരം മൊത്തം മറന്നു പോകും..അമ്മാതിരി ഗ്ലാമറാ…

ചിത്രശലഭം കുഞ്ഞമ്മയോട് സംസാരിച്ചോണ്ട് നിന്നപ്പോഴാണ് മറ്റേ ഗന്ധർവ്വൻ സംസാരം അവസാനിപ്പിച്ച് ഫോണെടുത്ത് പോക്കറ്റിൽ വെച്ചിട്ട് വണ്ടി സ്റ്റാർട്ട് ചെയ്യുന്നത് കണ്ടത്..

ഹെൽമെറ്റ് വെയ്ക്കാതെ വണ്ടിയുമെടുത്ത് പോകാൻ തുടങ്ങുന്ന ഗന്ധർവ്വനെ കണ്ട ചിത്രശലഭം കുണ്ടറയിലെ കുഞ്ഞമ്മയോട് ഒരു വാക്ക് പോലും പറയാതെ ഫോൺ കട്ട് ചെയ്ത് നീല സ്‌കൂട്ടർ സ്റ്റാർട്ടാക്കി ബുള്ളറ്റിന്റെ അടുത്തോട്ടു വണ്ടി പായിച്ചു…

എന്തേലുമൊന്ന് മിണ്ടാവല്ലോ എന്നൊരൊറ്റ ഉദ്ദേശ്യം മാത്രം…